Tim 19 lub 2 hlis ntuj xyoo 2006

Has txug le ntawm kev pluj tuag (TNSK)

Txij hnub nua moog peb tau lug pum zoo le nuav:
Yog poob tsua ib yim neeg twg yog koj ho moog thov cov saab nrau lawm los haj yam zoo tab sis yog koj ho ua tsi tau es koj yuav thov peb tsev neeg lug ua tshwj kaab kaav xwm nuav peb tau pom le nuav. Yog koj muaj sawv qaab nteeg koj yuav tau thov tug yuav sawv qaab nteeg ntawm tuaj ua ib tug kaav xwm es koj tam tug ntawm nua koj tam cov kaav kwm nrug es muab cov kaav xwm ib tug $100.00 ho nyob le ntawm tug koj yauv kom has xim ntawm nyob ntawm koj muab hab koj has nqe hum.

Yog koj tsi ua le peb has es koj thov peb cov ua 4 tug kaav xwm es koj ho moog thov ib tug saab nrau tuaj has xim nua, ces koj yuav tau lug theem rua 4 tug kaav xwm ib leeg $200.00 vim 4 tug ntawm yog cov tuaj paab koj. Koj ho tsi pum puab tug txaj ntsig qhov hauj lwm koj xaav koj puab ua tab sis nyiaj nuav koj ho moog ndav lwm tug.

Tsi tag le ntawm peb tsev neeg yob ib paab tdom nyem has txug le ntawm nqe roj peb thov muab rua cov tub lig dej num ntawm ib tug $50.00 es kom suav dlawg ho ua lub saab luj lug sib paab kom qhov dlej num ntawm tav.

Yog ho poob rua tug ua lub neej muaj es nwg ho muab ntau tshaj los yog nwg ua ngw ntsej nwg muag.

Ho yog leej twg ho tsi muaj tub khaiv es tso tsua peb koom hum nua qhov nqe sawv qaab nteg peb tsuas muab $600.00 coj lug tsua 4 tug kaav xwm es nyob ntawd puab faib cov dej num es ua kom lug nteeg ntawm dlau moob xwb.

Yog tug twg ho tsi ua le tau teev tseg lug nuav yog muaj teb meem deb tsi los peb yuav tsi nrug koj dlaws. Le nuav txhaj le has kom suav dlawg paub txhij txhua.

Tim 19 lub 2 hlis ntuj xyoo 2006

Tsev Neeg Sib Koom

Nyob le ntawm peb cov kwv tuj neej tsa Hmoob lug sab San Neua lug peb tug cai tshoob los yog tug txheej thxeem tshoob peb hnaj hnub siv nuav mas peb muaj zoo le nuav. Yog koj muaj Ib tug ntxhais qua peb yuav ywj koj tug txiv tsev nyob ntawm koj pum zoo tab sis qha rua koj paub has tas yog ua nua peb muaj le caag:

1. Yog tug cawv. Hem Thaj (Yeej foob txeem lwm)
2. Yog tug cawv. Qheb tsoog
3. Yog tug cawv. Txu seev dlaws khau
4. Yog tug cawv. Poob plaag, Txhib qhua, Taw qhua (ua ke los tau)
5. Yog tug cawv. Yeeb caw tshuav (Hum xim, txum pib) ua ke
6 Yog tug cawv. Luam xwm, Txum thaaj ua ke los tau
7 Yog tug cawv. Suav Yaig.
8 Yog tug cawv. Ntau Dlaab.
9 Yog tug cawv. Paam Thaaj Tsaab thaaj
10 Yog tug cawv. Hmo.
11 Yog tug cawv. Su los yog cawv cheem.
12 Yog tug cawv. Ntxuav Muag. Cawv tshais, cawv nyuj kub tshai ua ke los tau
13 Yog tug cawv. Kawm Moo
14 Yog tug cawv. Cob nraa.
15 Yog tug cawv. Tsaa kev sawv kev.

Thawj Sab (Home)